ໜ້າຫຼັກ / ຂໍ້ມູນຂອງບໍລິສັດ
APM ໄດ້ຖືກຈັດຕັ້ງຂຶ້ນເມື່ອວັນທີ 29 ກໍລະກົດ ຄ.ສ. 1991 ໂດຍ ດຣ. ສົມພົບ ສັກພັນພະນົມ ຮ່ວມກັບຜູ້ຊ່ຽວຊານດ້ານການເງິນອີກ 5 ທ່ານ ບໍລິສັດໄດ້ດຳເນີນການໃຫ້ບໍລິການເປັນທີ່ປຶກສາທາງການເງິນຢ່າງເຕັມຮູບແບບໃຫ້ແກ່ອົງກອນທຸລະກິດຕ່າງໆ ດ້ວຍສັກຍະພາບ ແລະ ປະສົບການດ້ານສິນເຊື່ອໂຄງການ (Project Finance) ແລະ ທິ່ປຶກສາທາງການເງິນ
ໃນປີ ຄ.ສ. 1997 ປະເທດໄທໄດ້ປະສົບກັບສະພາບວິກິດເສດຖະກິດ ອົງກອນທຸລະກິດຈຶ່ງໃຫ້ຄວາມສຳຄັນ ແລະ ຄວາມຈຳເປັນຂອງການບໍລິຫານຈັດການດ້ານການເງິນ ມີການແຕ່ງຕັ້ງທີ່ປຶກສາທາງການເງິນ ເຂົ້າມາໃຫ້ຄຳປຶກສາໃນການວາງແຜນດຳເນີນທຸລະກິດ
ບໍລິສັດ ແອສເຊັດ ໂປຣ ແມເນຈເມັ້ນທ໌ ຈຳກັດ (APM) ໄດ້ເລີ່ມດຳເນີນທຸລະກິດໃຫ້ບໍລິການທີ່ປຶກສາທາງດ້ານການເງິນກັບອົງກອນທຸລະກິດ ແລະ ບໍລິສັດຕ່າງໆ ຢ່າງເຕັມຮູບແບບ ຕັ້ງແຕ່ເດືອນມິຖຸນາ ຄ.ສ. 1998
ໄດ້ຮັບການຮັບຮອງຈາກສຳນັກງານຄະນະກຳມະການເພື່ອສົ່ງເສີມການປັບປຸງໂຄງສ້າງໜີ້ (ຄປນ) ທະນາຄານແຫ່ງປະເທດໄທ ໃຫ້ເປັນທີ່ປຶກສາທາງການເງິນປັບປຸງໂຄງສ້າງໜີ້ ເມື່ອປີ ຄ.ສ. 1999
ໃນວັນທີ 12 ກໍລະກົດ ຄ.ສ. 2006 ໄດ້ຮັບການຮັບຮອງຈາກສຳນັກງານຄະນະກຳມະການກໍາກັບຫຼັກຊັບ ແລະ ຕະຫຼາດຫຼັກຊັບ (SEC) ໃຫ້ເປັນບໍລິສັດທີ່ປຶກສາທາງການເງິນ
ອົງກອນທຸລະກິດຫຼາຍກວ່າ 80 ບໍລິສັດ ໄດ້ແຕ່ງຕັ້ງໃຫ້ບໍລິສັດ ແອສເຊັດ ໂປຣ ແມເນຈເມັ້ນທ໌ ຈຳກັດ ເປັນທີ່ປຶກສາທາງການເງິນ ພວກເຮົາມີຄວາມມຸ່ງໝັ້ນ ແລະ ທຸ່ມເທໃນຄຸນນະພາບການໃຫ້ບໍລິການປຶກສາດ້ານການເງິນ ແລະ ຍຶດໝັ້ນໃນຈັນຍາບັນໃນການເຮັດວຽກເປັນສຳຄັນ ໂດຍສະເພາະການຮັກສາຄວາມລັບຂອງລູກຄ້າ ເຊິ່ງການໃຫ້ບໍລິການຂອງບໍລິສັດໃນແຕ່ລະທຸລະກຳກໍເພື່ອປະໂຫຍດສູງສຸດຂອງລູກຄ້າ
ໄດ້ສ້າງຕັ້ງບໍລິສັດ ຫຼັກຊັບເອພີເອັມລາວ ຈຳກັດ (APMLAO) ໂດຍມີຈຸດປະສົງໃນການໃຫ້ຄຳປຶກສາ ແລະ ແນະນຳແນວທາງພັດທະນາອົງກອນທຸລະກິດໂດຍໃຊ້ຫຼັກການທາງການເງິນ ສຳນັກງານຄະນະກຳມະການຄຸ້ມຄອງຫຼັກຊັບລາວ (LSCO) ໄດ້ອອກໃບອະນຸຍາດທີ່ປຶກສາທາງການເງິນໃຫ້ APMLAO ໃນເດືອນພະຈິກ ຄ.ສ. 2013
ໄດ້ສ້າງຕັ້ງບໍລິສັດ ເອພີເອັມລາວ ລີດຊິ້ງ ຈຳກັດ ຫຼື APM(LAO) Leasing ພ້ອມທັງໄດ້ຮັບໃບອະນຸຍາດຈາກທະນາຄານແຫ່ງ ສປປ ລາວ ໃນປີ ຄ.ສ. 2017 ໃຫ້ເປັນທຸລະກິດລີດຊິ້ງ ແລະ ປະກັນໄພ ເພື່ອຕໍ່ຍອດທຸລະກິດໃນສາຍຕະຫຼາດເງິນ ແລະ ຕະຫຼາດທຶນ
ໄດ້ຮັບໃບອະນຸຍາດ ທີ່ປຶກສາທາງການເງິນ ຈາກສຳນັກງານຄະນະກຳມະການກຳກັບຫຼັກຊັບ ແລະ ຕະຫຼາດຫຼັກຊັບ ແຫ່ງປະເທດກຳປູເຈຍ (SECC) ໃນປີ ຄ.ສ. 2018
ບໍລິສັດ ຫຼັກຊັບເອພີເອັມລາວ ຈໍາກັດ (APMLAO) ເປັນບໍລິສັດລູກຂອງ ບໍລິສັດ ແອສເຊັດ ໂປຣ ແມເນຈເມັ້ນທ໌ ຈໍາກັດ (APM) ທີ່ໄດ້ຮັບອະນຸຍາດເປັນທີ່ປຶກສາທາງການເງິນຈາກ ສໍານັກງານຄະນະກໍາມະການກຳກັບຫຼັກຊັບ ແລະ ຕະຫຼາດຫຼັກຊັບ (SEC) ໃນປະເທດໄທ ຫຼາຍກວ່າ 17 ປີ
ບໍລິສັດ ຫຼັກຊັບເອພີເອັມລາວ ຈໍາກັດ (APMLAO) ໄດ້ຮັບໃບອະນຸຍາດໃນການຂໍປະກອບອາຊີບໃນຖານະເປັນທີ່ປຶກສາທາງການເງິນ ພາຍໃຕ້ການຄຸ້ມຄອງຂອງສໍານັກງານຄະນະກໍາມະການຄຸ້ມຄອງຫຼັກຊັບລາວ (ສຄຄຊ) ໃນເດືອນ 11/2013
ບໍລິສັດ ຫຼັກຊັບເອພີເອັມລາວ ຈໍາກັດ (APMLAO) ໄດ້ຖືກສ້າງຕັ້ງໃນຖານະເປັນທີ່ປຶກສາທາງການເງິນໃຫ້ແກ່ ລູກຄ້າທີ່ເປັນບໍລິສັດເອກະຊົນ ຫຼື ບຸກຄົນ ຜູ້ທີ່ຕ້ອງການຊອກຫາທາງເລືອກໃນການແກ້ໄຂບັນຫາທາງການເງິນໃຫ້ແກ່ທຸລະກິດ
ຄະນະຜູ້ບໍລິຫານ ແລະ ທີມງານທີ່ໃຫ້ຄໍາປຶກສາຂອງ ບໍລິສັດ ຫຼັກຊັບເອພີເອັມລາວ ຈໍາກັດ (APMLAO) ມີຜູ້ຊ່ຽວຊານຫຼາຍກວ່າ 5 ທ່ານ ແລະ ມີພະນັກງານປະຈໍາພ້ອມໃຫ້ບໍລິການ 6 ທ່ານ ພ້ອມດ້ວຍປະສົບການເຮັດວຽກທີ່ກ່ຽວຂ້ອງໃນຂະແໜງ ການເງິນທຸລະກິດ (Corporate Financial) ແລະ ທິ່ປຶກສາທາງການເງິນ
ບໍລິສັດ ຫຼັກຊັບເອພີເອັມລາວ ຈໍາກັດ (APMLAO) ໄດ້ດໍາເນີນງານຢ່າງເຕັມຮູບແບບເພື່ອຕອບສະໜອງການບໍລິການທີ່ປຶກສາທາງການເງິນໃຫ້ແກ່ບັນດາລູກຄ້າທົ່ວປະເທດລາວ
ບໍລິສັດ ຫຼັກຊັບເອພີເອັມລາວ ຈຳກັດ (APM Lao) ໄດ້ສ້າງຕັ້ງຂຶ້ນໃນ ສປປ ລາວ ເພື່ອໃຫ້ບໍລິການທີ່ປຶກສາທາງການເງິນແກ່ບໍລິສັດເອກະຊົນ ແລະ ບຸກຄົນ ຕັ້ງແຕ່ປີ 2013. ໃນເດືອນພະຈິກ 2013 APM Lao ໄດ້ຮັບໃບອະນຸຍາດທີ່ປຶກສາທາງການເງິນ ຈາກ Lao Securities Exchange and Commission Office (SECO) ເພື່ອໃຫ້ບໍລິການເຫຼົ່ານີ້ໃນປະເທດ.
ທີມງານ APM Lao ປະກອບດ້ວຍຜູ້ຊ່ຽວຊານຊາວໄທ ແລະ ຊາວລາວ. ທີມຜູ້ບໍລິຫານມີປະສົບການດ້ານການເງິນບໍລິສັດ, ການບັນຊີ, ວານິດທະນະກິດ ແລະ ການຄົ້ນຄວ້າ ຫຼາຍກວ່າ 20 ປີ.